Erabiltzailea
Gakoa

 Ezti motak:

Ezti mota asko dago eta oso ezaugarri ezberdinak dituzte. Ardoak bezala, bakoitzak kolore, zapore, usain edo testura bat izan dezake txuri gardenetik, ia beltzera, arinetik sendora, garratzetik oso gozora.


Eztia esaten dugunean ezti naturalaz ari garela argi geratu behar da (inongo tratamendu fisiko kimikorik gabe). Beste guztiak ez luke izen hori eduki behar.

 

Eztien sailkapenik arruntenak erleak eztia egiteko zein loretako nektarra erabili duen hartzen du kontuan.

Sailkapen honen arabera bi talde nagusi daude: lore bakarrekoak eta lore anitzekoak.
Lore anitzeko eztia:
Lore anitzekoak lore ezberdinekin egindako eztiak dira , loraldik bat egiten dutenean zaila da ezti ezberdinak ateratzea. bestalde ez badugu sasoi bakoitzean lorebakarreko eztiak ateratzen ateratakoan denak nahastuko dira mila loreak emanez.

Lore bakarrekoak:

Lore bakarrekoa ia bere osotasunean lore mota baten nektarraz osatutako eztia da, adibidez akazia eztia.

Ezti mota hau lortzeko loraldi bakoitzaren bukaeran jasotzen da eztia. Adibidez akaziak loretan daudenean, erlauntzak akazia asko dagoen tokian jartzen dira. Loraldia bukatutakoan eta erleak beste nektar mota batekin lanean hasi aurretik, ezti hori erleei kendu egiten zaie. Horren ondorioz lortzen den eztia ia guztiz akazia loreez eginda egoten da. Ondoren erleak beste toki batera eraman edo beste loraldi baten bila hasten dira, adibidez gaztainarena.

Ezti mota hauek egiteko, normalean, nahiz eta beharrezkoa ez izan, trasumantzia egiten da, hau da, erleak tokiz mugitzen dira loraldi zabalen bila.

Lore bakarreko ezti guztiek oso ezaugarri ezberdinak dituzte.

Lore bakarreko ezti ezagunenak ondorengoak dira:

Akazia-eztia:

Oso ezti argia izaten da, hori argia edo ia gardena. Oso estimatuta dagoen eztia da, oso arina eta janerraza. Asko kosta zaio kristalizatzea.

Gaztaina:

Kolore marroia du eta azkar kristalizatzen da. Zapore fuertea du baina garratz samarra da. Berezia da zaporea eta ez da gozoegia. Normalean helduei gehiago gustatzen zaie ezti mota hau.

Ezkia (Tilo):

Ezti hori argia da, oso usaintsua eta zapore nabarmena da, ezti arina da eta jateko erraza. Kristalizatzeko joera du.

Eukaliptua:

Anbar kolore argia du eta zapore berezia. Oso usain nabarmena du. Ezti ertainen barruan jarriko genuke. Kristalizatzeko joera du.

Erromeroa:

Ezti argia da. Oso usaintsua eta gozoa da. Oso ezti estimatua da eta oso zapore orekatua du. Ezti arinen barruan jarriko genuke. Kristalizatzeko joera du.

Zitrikoena:

Horrelako lore asko dagoen tokian ezti berezi hau egiten da, oso usaints

  Eztia/ Ezti motak