Erregina

Erregin bakarra dago erlauntzean, Tamainaz erregina besteak baino luzeagoa eta handiagoa da.

Bere lana arrautzak errutea da,eta horretarako prestatua dago.

                                   

Egunean 3000 arrautz inguru erruten ditu, baina neguan ez ditu erruten ,beraz esan daiteke nektar sarreraren arabera izaten dela.

Erreginak arrautzak erruteaz gain ez du beste zereginik, eta bere inguruan talde bat du bera zaintzeko eta elikatzeko.

Jaio eta astebetera ateratzen da erregina erlauntzetik, eta kanpoan dauden erlamandoekin ernaltzen da. Horretarako azkar eta gora hegan egiten du, erlamandoak erreginaren atzetik joaten dira harrapatu arte, modu honetan erreginak indartsuenak aukeratzen ditu.

Erlamandoa, behin erregina ernalduta, hil egiten da.

Erregina hamalau erlamando ingururekin ernaltzen da eta espermateka izeneko tokia betetzean erlauntzera bueltatzen da . Handik hiru egunetara hasten da arrautzak erruten.

Erreginak obario handiak ditu eta esan bezala, espermateka izeneko zakutxoa.
 
                                             

Erreginak esperma arrautzari gehitzeko edo ez gehitzeko aukera dauka. Gelatxoaren zabaleraren arabera arrautz ernaldua edo ernaldu gabea jarriko du eta erle emea ala erlamandoa jaioko da.

Erregina jaiotzeko arrautz ernaldu bat behar da. Arrautz horretatik jaiotzen den larba guztiei lehenengo hiru egunetan erregin jalea jaten emango zaie, eta hurrengo hiru egunetan eztia eta polena ematen bazaie erle langilea jaioko da. Baina hurrengo hiru egunetan ere erregin jalea ematen bazaio, erregina jaioko da.Erreginak erregin jalea besterik ez du jaten, bere ingurukoek ematen diotena.

Erregina batez beste 5 urte bizi da ,baina arrautzak ez baditu ondo erruten, beste erregin bat sortzen dute,beste arrautz batetik hasita.